عشان ميتلزقش على افاك كلمة حمار

مصر برمتها بنساوينها برجالتها كلهم النهاردة بيتكلموا عن غشاء البكارة الصيني وطبعا كلهم ليسوا على قلب رجل واحد فهناك من ترقص طربا ليل ونهار وطايرة من الفرح خلاص هاتقضيها والناس لبعضيها ومش بعيد تطلع كل ليلة بسببوبه من المصلحة دي وقبل الجواز بليلة يا عمدة تركب الصيني ولا من شاف ولا من دري

واللي يشيل الليله شاب مغفل ويلاقي نفسه متدبس في واحده سكاند هاند دا باعتبار ان اللي كان قبله واحد بس

وطبعا مش هاينفع اتكلم عن المصيبة السودا فيه كتير اتكلموا عنها تقدر تقرا قالوا ايه وهاجيب اسماء مدوناتهم في النهاية بعد اذنهم

انا جايب طريقة عشان تكتشف بيها الموضوع واسف جدا بقدر الامكان هأتعامل مع الموقف باحترام واحاول اخلي الكلام على قدر الامكان مهذب

غشاء البكارة الصيني بيعتمد على انه يشبه البالون الرقيق نوعا ما ويحتوي داخله على سائل احمر اللون يشبه الدماء و ينفجر في حال وضع التزاوج

السائل دا ليس بدماء كما هو الحال في غشاء البكارة الطبيعي مش التقليد

دماء الانسان اي كانت تحدث حالة فوران اذا تم تنقيط نقاط من ماء الاكسجين اللي بيتباع في الصيدليات والازازة بتاعته ب 4 جنيه اما شبيه الدم المتواجد في غشاء البكارة الصيني فلا يحدث فوران مع ماء الاكسجين

المعلومة منقولة شفهيا من أحد الاطباء

يبقى كده احنا عرفنا نكشف الصيني منين

تاني هام غشاء البكارة الصيني منتج ليس بجديد فغشاء البكارة الصيني متواجد منذ عامين مضوا ولكن كان يصل إلى مصر بطرق التهريب يعني في مغفلين كتير انضحك عليهم واللي كان كان والله حليم ستار

تالت هام مش شركة واحده اللي بتنتجه دول شركات عديدة وانواع وفي منه انواع بتسبب مؤثرات خاصه عشان الامر يبدو طبيعي 100% ودا كله عشان خاطر عيون المغفلين اللي بيتسكوا على افاهم

الناس اللي اتكلمت عن الموضوع دا

البت المشمشية حلوة بس شقية

كله كلام

مدونة شارم

والله يرحمك يا رجولة

يعني إيه احا ... اعرف قبل ما تشتم

قبل الهجوم اللي ممكن يبقى مصحوب بسب ولعن ابوغاش اللي جابوني عايز الناس تعرف ماذا تعني احا التي يقتصر بقولها المصريين دونا عن كل العرب واللي بيظن الكثير ان احا دي لفظ عيب ولفظ اباحي .... لا لا الألفاظ الاباحية لسه جاية كتير مش دا موضوعنا النهاردة .. انا باكتب التعريف دا من باب ان الناس تعرف اني مافجرتش

احا في اللغة العربية ليس لها اي اصل لانها كلمة عامية صرفة ومصرية صميمة فأشهر الأقوال في تعريف معنى كلمة أحا أنه تم في العصر الفاطمي سن قانون يمنع نطق لفظ أحتج فكان المصريين كعادتهم واللي انا منهم انهم يحوروا الكلمة وخلوها أحتا حتى لا يعرف انها كلمة احتج ولكن بعد فترة وجيزة تم اكتشاف الامر من قبل الفاطميين فعاد المصريين وبدأوا بقول كلمة أحا بدلا من احتا او احتج وانتشرت الكلمة فعليا حتى عاد الفاطميين وقاموا بإلغاء قانون منع كلمة احتج

بالتأكيد زي كلمة طظ بالظبط اللي نص المصريين ميعرفوش معناها وطظ في اللغة التركية تعني ملح وكان الملح لا يدفع عليه ضرائب قديما فكان كل مصري يتم سؤاله عن حمولة تجارته يقول طظ هربا من دفع الضرائب حتى بدأوا بالسخرية من الأتراك بكلمة طظ حتى أصبحت كلمة عامية المقصود بيها طظ

دا تعريف لكلمة أحا تفاديا للقنابل المسيلة للأحات من السباب

ولكم خالص أحاتي