مصر برمتها بنساوينها برجالتها كلهم النهاردة بيتكلموا عن غشاء البكارة الصيني وطبعا كلهم ليسوا على قلب رجل واحد فهناك من ترقص طربا ليل ونهار وطايرة من الفرح خلاص هاتقضيها والناس لبعضيها ومش بعيد تطلع كل ليلة بسببوبه من المصلحة دي وقبل الجواز بليلة يا عمدة تركب الصيني ولا من شاف ولا من دري
واللي يشيل الليله شاب مغفل ويلاقي نفسه متدبس في واحده سكاند هاند دا باعتبار ان اللي كان قبله واحد بس
وطبعا مش هاينفع اتكلم عن المصيبة السودا فيه كتير اتكلموا عنها تقدر تقرا قالوا ايه وهاجيب اسماء مدوناتهم في النهاية بعد اذنهم
انا جايب طريقة عشان تكتشف بيها الموضوع واسف جدا بقدر الامكان هأتعامل مع الموقف باحترام واحاول اخلي الكلام على قدر الامكان مهذب
غشاء البكارة الصيني بيعتمد على انه يشبه البالون الرقيق نوعا ما ويحتوي داخله على سائل احمر اللون يشبه الدماء و ينفجر في حال وضع التزاوج
السائل دا ليس بدماء كما هو الحال في غشاء البكارة الطبيعي مش التقليد
دماء الانسان اي كانت تحدث حالة فوران اذا تم تنقيط نقاط من ماء الاكسجين اللي بيتباع في الصيدليات والازازة بتاعته ب 4 جنيه اما شبيه الدم المتواجد في غشاء البكارة الصيني فلا يحدث فوران مع ماء الاكسجين
المعلومة منقولة شفهيا من أحد الاطباء
يبقى كده احنا عرفنا نكشف الصيني منين
تاني هام غشاء البكارة الصيني منتج ليس بجديد فغشاء البكارة الصيني متواجد منذ عامين مضوا ولكن كان يصل إلى مصر بطرق التهريب يعني في مغفلين كتير انضحك عليهم واللي كان كان والله حليم ستار
تالت هام مش شركة واحده اللي بتنتجه دول شركات عديدة وانواع وفي منه انواع بتسبب مؤثرات خاصه عشان الامر يبدو طبيعي 100% ودا كله عشان خاطر عيون المغفلين اللي بيتسكوا على افاهم
الناس اللي اتكلمت عن الموضوع دا
والله يرحمك يا رجولة
هناك 22 تعليقًا:
احلى حاجه عجباني في الموضوع صورة الحمار
ومبروك تغيير اسم المدونة
تحياتي
خلاص هاتقضيها والناس لبعضيها >>> mahe keda men zamaaan :D:D
مبروك اسم المدونة الجديد
وبجد انا احترمت موقفك جدا في تغيير اسم المدونة
ميرسي اوى ليك
اما موضوع البوست حاجة واحدة هاقولها
المتربي واللى عنده اخلاق لا يمكن يتأثر او تتأثر بكل دا
وهايفضل في بنات كتير محترمات مهما حصل
واعتقد اللى مش كدا مش محتاجين الصين علشان تدارى عليهم
وربنا يستر اولا واخيرا
شاب مفقوع
زي ما فيه لسة رجالة بيصوموا ويصلوا ويزكوا ويتصدقوا خوف من ربنا وسماهم في وجوههم ... وملتزمين
فيه لسة سيدات وفتيات محترمات ... معرفتش تغيرهم التكنولوجيا والمحترم محترم
طيب والمتزوجات ... ولا الكلام علي البنات بس
الشرف مش محتاج كلام عنه
السلام عليكم يا مفقوع
والله يا بنى دى حاجه تعفقع فعلا
بس عايز اطمنك ... ان احنا مهما كنا وخصوصا المصريين اكثر الشعوب لن اقول متدينه ... لكن فعلا اكثر الشعوب تخاف على شرفها ... صحيح فيه ناس كتير ... كتير ...لكن اطمئنك ... يا مفقوع انهن اختى وبنتى وزوجتى وعمتى وخالتى وكلهن منى فلا تجزع ...اما من يستعملها فاكيد - الطيبون للطيبات - والخبيثون للخبيثات .. المهم ان نرضى الله ولا نفعل ما يغضبه واكيد ان الله سبحانه وتعالى سيختار لنا ما يكافئنا به
تحياتى
ههههههههه مية اكسجين هو كمان هيعمل تجارب عملية علشان يتاكد ^_^
مش المدونات دى بس اللى اتكلمت اول مدونة اتكلمت كان مدونة احمد الصباغ
وحبشتكنات فلسفية استاذ عمرو
وروح بسبوس بسمة عبد الباسط دول اول ناس اتكلمت عن الموضوع
انا زهقت من الموضوع ده ومن اول ما سمعته مش هز شعرى فى راسى ليه بقى لان ده اصلا كلام فارغ لناس بتدور بس على اى حاجة ومبرر للغلط وللارتكاب المعاصى والحقيقة من يتقى الله يجعل له مخرجا وزى ما قال استاذ فشكول الطيبون للطيبات
والعفة والشرف سلوك فى الحياة كلها وينطبق على البنت زى الولد بالظبط وربنا لما انزل عقوبة للزنا كانت متساوية بين الجنسين مش اكتر على الستات دون الرجال بس انا مبسوطة من الموضوع بتاع المنتج ده علشان الرجالة اللى مش بتراعى ربنا هتفضل فى شك يتقتلها كل يوم لان الخاين يخون واللى يزنى بدرهم يزنى باهل بيته بربع درهم
صحيح مبروووووك تغير المدونة :)
قبل الاسم هو ايه صحيح شب مفقوع دى
كل الناس بقت سطحيه ..
هو الشرف مقياسه غشاء البكاره !!
سيبك من مية الاكسجين
ومن الانواع ومن الموضوع كله
وشوف الدماغ الصينى المتكلفه اللى عارفه احنا ممكن نفكر فى ايه وبتعمله
بجد بجد الناس بهرونى
واحنا طبعا اللى فى الصورة مش عاوزة كلام
هههههههههههههههههههههههه
ســـــــلام
انا اول مرة اجى هنا
بس صحيح ايه كان اسمها القديم
مبروك تغيير اسم المدونه :)
يادي النور يادي النور
الناس اللي منورة دي
والله مشرفني شرف ما بعده شرف
كلكم ناس محترمين ومعظمكم كتاب رائعين وكلمة معظمكم لان في ناس اول مرة اتشرف بمعرفتها
نبدأ بالدور نفر نفر
ومعانا اول تعليق ونقول الو
استاذ احمد عاطف ... معجبكش الموضوع كله وعجبتك صورة الحمار
طيب يا عم متشكرين
يكفيني مرورك الجميل
××××××××××××××××××××××××
ومعانا تاني تعليق ونقول للاخ غير معرف مين قالك انها كده من زمان
مصر رغم كل البلاوي اللي فيها لسه والله فيها ناس كتير محترمة وكتير اوي كمان
بس تايهين وسط العالم اللي مقضينها
ياريت تدخل باسمك بعد كده
تحياتي
××××××××××××××××××××××××
ست الكل ريم منورة
والله يبارك فيكي
في ناس قالولي مش هانقدر نضيف اسم مدونتك في المدونات الصديقة عشان اسمها ومش كل الناس هاتفهم الكلمة باللي انت تقصده
فانا قررت قرار
اني اغير اسمها عشان خاطر الناس دي
لكن اسيب تعريف الكلمة على اليمين
وهاقولها بعزم حسي
اما بالنسبة لموضوع البوست
فالموضوع في حد ذاته مش مشكلة من زمان عند فئات معينة ولكن تسهيل الامر لهذا القدر هو اللي هايخلي عدد الفاسدين يبان بوضوح فبعد ما كان في ناس بتمتنع خوفا من الفضيحة وقلقا من تكلفة العملية
اصبح الامر ايزي
بس بردو الخير في المسلمين الى يوم الدين
تحياتي
××××××××××××××××××××××××
ميمي
انا حسيت وانتي بتكتبي انك بتزغري لصورتي بعين حمرا ولو كنت قدامك كنتي خدتيني مطوتين في وشي
انا متاكد ان زي ما في محترمين لسه في محترمات كتير
ومتاكد انك واحده منهم
تحياتي يا ميمي
××××××××××××××××××××××××
انا بستاذن كل المدونين اني ارد على عمنا فشكول رد خاص بيه لوحده
الراجل دا كباره وشخصية قمة في الاحترام ووالله ما اي نفاق بس لما بقرا للراجل دا بحس انه من لحمي ومن دمي وان في صلة قرابة
عمي فشكول
كان في مثل جدتي الله يرحمها وهي قاعده قدام الفرن البلدي بتاع الفلاحين دا بتقوله كنت بحبه اوي
كل شي له اللي يشبه له حتى الحمار واللي آنيه
وينطق كالتالي
كل شيلو يشبهلو حتى الحمار واللي انيه
اكيد اللي هايتجوز واحده زي دي مش هايكون عرفها من مجمع الدعوة اللي على ناصية شارعنا
تحياتي يا كبير
ايوشه ملكة الاحلام
منورة يا حالمة
يعمل تجارب مايعملش ليه ماهو طالما نسي حديث الرسول تخيروا لنطفكم فإن العرق دساس اكيد هايبقى ليل ونهار على بصبوص نار
اما موضوع اني شاب مفقوع دي فحاجات كتير في الدنيا مسببالي فقعة
حبه اجتماعي على حبه سياسي فلازم اتفقع
فبقيت شاب مفقوع
تحياتي يا حالمة
××××××××××××××××××××××××
هاجر
تحياتي لمرورك
بالتأكيد شرف الانثى لا ينحصر في ذلك الغشاء
ولكن هل تفريط الفتاه في كل ما تملك من عفه حتى تلك النقطة يجعلها اهلا لان تكون ربة اسرة ؟؟؟
تحياتي لمرورك
××××××××××××××××××××××××
معتصم صاحب المشكلة العويصة مع التدريس
الصين فعلا دماغها متكلفة في جميع الاتجاهات ان كانت هاتصدر لينا او هاتصدر لاوروبا
المشكلة ان الصين مليار و300 مليون
وريسنا حبيبنا كان بيقول ايام ما كنا 68 مليون هاكلكم منين
باعتبار انه بيدفع من جيبة
لكن بجد مالكش حق
اكيد مش احنا اللي في الصورة
اللي في الصورة لو عرف انك بتشبهنا بيه يزعل
××××××××××××××××××××××××
مشمشية
والله منورة
والله كمان مرة منورة
بخصوص الاسم خليه سر مش مهم دلوقتي
تحياتي
××××××××××××××××××××××××
اقصوصة منورة يا بنت العرب
الله يبارك فيكي
بس متنكريش انك مش فاهمة الاسم القديم صح ؟
تحياتي ليكي
××××××××××××××××××××××××
أنا نقلت ردي اللي سبته عند البت المشمشية
:)
أنا بقى ليا وجهة نظر أعمق حبتين
وهي اني شايفه منتج جديد نازل للسوق المصري بغض النظر عن إقتناعي أم لا
بس أنا متنقع أن اللي بيعوز ينحرف بينحرف في أي مكان وتحت أي ظرف ومن هنا أهمية غرس الأخلاق والفضائل في الإنسان..يعني لا المسـألة حزام عفة ولا غشاء صناعي
:)
فيه بنات برضه بتعمل اللي هي عاوزةو وبعدين تعمل عملية ترقيع من تحت بير السلم ويبقى كله فل الفل
أنا بقى عاوز أوصل لمرحلة أن البنت دي متفكرش لا في بير السلم ولا في الغشاء الصيني وتكون مقتنعة من نفسها بمبدأ معين
وف نفس الوقت مش عاوز الراجل يبقى نظرته للست مجرد غشاء بكارة ممكن جدا الست تفقده لأسباب مالهاش علاقة بالعلاقات الجنسية
بس هي دي العبارة
بس بجد بعيدا عن الموضوع
يخرب بيت دماغك يا صين..يعني مش كفاية فوانيس كورومبو وحمبوزو
بجد الناس دي دماغها متكلفة
هع هع هع
ضحكات شريرة
تحياتي
سبحان الله في الاخر بردوا الزاني لا ينكح الا زانية والزانية لا ينحكها الا زانا او مشرك
قاعده لا خلاف عليها ..
فالبنت اللي بتقضيها سواء بصيني او أركوبال .. هتلائي الانسان اللي زيها بردوا..
يعني المغفل له مغفلة
واللي كدا وكدا .. له بردوا واحدة كدا وكدا ..
والطيب له طيبة
وكما تدين تدان
وفعلا زي ما اخت قالت ان غشاء البكارة ليس دليل علي العفة ..
والبنات الرخيصة بئوا خبرة ..
ودا كله بسبب بعدنا عن دين الله وسنة النبي ..
مبروك الاسم الجديد .. بس لية مش رديت عليا في البوست اللي فات
انا عايزة اعرف ليه ناس كتير شغاله نفسها بالموضوع ده
اولا اللي عايز ينحرف هينحرف سواء بصيني ولا بغيره
ثانيا اكيد مش هنحك ع كل البنات علشات في محترمات كتير
ثالثا والاهم هو احنا لو ضحكنا وخدعنا الناس هنعرف نضحك ع ربنا
المدونة حلوة اوي و حلو تغير الاسم
شاب مفقوع
زيارتك أسعدتني ..
إن كان الرجال في أنتظار معرفة أخلاق زوجاتهم من غشاء البكارة .. فأين ذهبت أختبارات فترة الخطوبة؟
أما عن أكثر أمكاني استمتاعا مع صديقتي السيئة .. فهو أي مكان يشاركني فيه أصدقاء يصادقون صديقتي المارلبورو الحمراء
ههههههههههههههه
الله يستركـ
بس تقريباً لسه الغشاء دا ما دخلش البلد
قبل الغشاء الصينى كان فى عملية يعنى الموضوع قديم بس الفرق ان الموضوع بقى اسهل وارخص
وهوا اى شاب هيسيب العروسة يقولها استنى ويجيب ميه اكسجين ويعمل الحوار دا :)
مينفعش اكيد
كل سنة وانته طيب
والمنجى هوا ربنا من كل دا
كان اسمها ايه المدونة قبل كدا :$؟؟
اكيد (( أحا ))
على فكرة
معناها (( أرفض حدوث هذا ))
يمكن اكون رخمت شوية
بس لى عودة دوما
شاب فقرى
انا جيت
ميشيل
اولا مش عارف هي ميشيل ولا مايكل بس لان ليا صديق اسمه ميشيل وانا بحبه جدا وبناديله ميشو فاهعتبرك هو واقولك يا ميشو
الراجل مبيبصش للست على انها غشاء بكارة
والا كنت لاقيت رجالة كتير اوي اوي متجوزين دلوقتي لو هي العملية غشاء بكارة وبس
اما موضوع الصين دا فمن وانا في الكلية بقول الصين دي بلد بنت تيت من ايام فوانيس رمضان جانا
ومرورا بالنووي اللب بتصنعه في الخباثة واحتلالها المقنع بحق الفيتو لدول العالم التالت المنتجة للطاقة
وسلم لي على مصر ام العيال على رأي شاب فقري وتحياتي
××××××××××××××××××××××××
عازف لنفسه
كلامك 100 % صح لانه مستند على قول الله تعالى
الله يفتح عليك
منورني هنا وفي البوست اللي فات اللي لسه قاري ردك عليه حالا
واعذرني الدنيا مشاغل
حاجه كمان ... انا للاسف معنديش ياهو بس اوعدك اول ما اعمل ايميل على ياهو اضيفك يا صديقي
تحياتي ليك يا محترم
××××××××××××××××××××××××
اميرة
مبقتيش على كوكب مهجور خلاص لاني نويت اشتري حتة الارض اللي جنبك
منورة المدونة برأيك النقي
والله يبارك فيكي وتسلمي يارب
تحياتي
××××××××××××××××××××××××
كرسي اعتراف
اجدع حاجه بتعملها بنات كتير الايام دي مش كل البنات طبعا
انها تستنى فترة الخطوبة عشان تثبت لنفسها انها تجيد فن التمثيل اكتر من منى ذكي في فيلم يانا يابا ياما يانا
منورة يا معترفة
××××××××××××××××××××××××
مواطن شجاع
الله يسترك ويحفظك
وحتى لو دخل
هما المصريين اول مرة يتسكوا على افاهم
دا بقالهم كتير
تحياتي
××××××××××××××××××××××××
العيسوي الصغير
منور والله
بجد والله العظيم وبدون مبالغة
اول ما دخلت مدونتك افتكرت الاخطل الصغير
وافتكرت قصيدة أضنيتني بالهجر
تحياتي يا مبدع
××××××××××××××××××××××××
حبيبي شاب فقري
ماهو دا نفس السؤال اللي سألته للدكتور لما قالي الكلام دا
رد عليا رد ساذج
قولتله اقولك حاجه قالي قول
قولتله حتى لو عرف مش هايعمل حاجه لعدة اسباب
قالي ايه هي
قولتله عشان ماضي عالقايمة وهيخاف ياخدوا منه التلفزيون ابو ريسيفر منه فيه
اما بالنسبة لاسم المدونة
انا قريت فعلا ان دا ممكن يكون تفسيرها وقريت تفسيرات تانية وقحة حبتين
بس اللي اجمع عليه 3 او 4 انها فعلا تعني احتج وهي من تأليف المصريين
لدرجة اني لما كنت بقولها لزمايل العمل العرب مبيفهموهاش ولما بيعرفوا بس انها كلمة قبيحة عند المصريين بيرددوها من باب احنا مش عارفين معناها
ما علينا انا بقيت باستخدمها حتى في صباح الخير
تحياتي يا صديقي
معلومات ممتازة..أنا احب المعلومات الي انت بتدعم بيها البوست دا..ربنا يستر بقي علي موضوع غشاء البكارة دا
إرسال تعليق